Guðsþjónusta í Grafarvogskirkju kl. 11:00. Séra Sigurður Grétar Helgason og séra Grétar Halldór Gunnarsson þjóna. Fermingarbörnum úr Keldu-, Vætta og Rimaskóla og foreldrum þeirra er sérstaklega boðið. Pálínuboð, þar sem allir leggja eitthvað til, og fundur með foreldrum fermingarbarna er á eftir guðsþjónustunni. Kór Grafarvogskirkju leiðir söng og organisti er Hákon Leifsson.
Sunnudagaskóli á neðri hæð kirkjunnar kl. 11:00. Dans, söngvar, sögur og límmiðar. Pétur Ragnhildarson hefur umsjón.
Selmessa í Kirkjuselinu í Spöng kl. 13:00. Séra Sigurður Grétar Helgason þjónar. Vox Populi heldur upp á tíu ára afmæli og leiðir söng og organisti er Hilmar Örn Agnarsson. Gamlir félagar Vox Populi koma aftur og syngja með kórnum. Eftir messu verður afmæliskaffi.
Verið öll hjartanlega velkomin!