Leiðtogamessan:
Prestur: Lena Rós Matthíasdóttir
Organisti: Hilmar Örn Agnarsson
Kór Grafarvogskirkju leiðir safnaðarsöng
Messuþjónar lesa ritningarlestra
Sunnudagaskólinn:
Umsjón hefur Þóra Björg Sigurðardóttir. Prestur: Guðrún Karls Helgudóttir. Undirleikur: Stefán Birkisson.
Nú er allt barna- og unglingastarf komið á fullt í kirkjunni og þú ert velkomin/n!
Örþing í hádeginu
Messan verður tileinkuð leiðtogum úr nærumhverfi okkar og boðað til örþings í hádeginu af því tilefni. Allir leiðtogar við kirkjuna, vígðir sem óvígðir, úr öllum þáttum starfsins eru boðaðir til messunnar og lítum við á viðburðinn sem upptakt starfsins á nýju ári.
Örþingið í hádeginu er opið öllum þeim sem áhuga hafa á leiðtogafræðum, hvort heldur sem viðkomandi gegnir stöðu leiðtoga eða hefur hug á að tileinka sér leiðtogahlutverkið. Erindið sem flutt verður byggir á Þjónandi forystu og gagnast jafnt fyrir hið opinbera sem hið persónulega líf. Boðið verður upp á léttan hádegisverð. Dagskrá lýkur um kl. 13:00. Þau sem hyggjast taka þátt í örþinginu eru beðin að skrá sig á srlenaros@grafarvogskirkja.is svo hægt sé að gera áætlanir varðandi matinn. Vinsamlega látið vita fyrir hádegi á laugardag!